लाडक्या बहीणींचे पैसे पोहोचले थेट सीएसी सेंटर चालकाच्या खात्यात, नांदेडमध्ये लाखो रुपयांचा घोटाळा

नांदेड, प्रतिनिधी : मुख्यमंत्री लाडकी बहीण योजना ही राज्य सरकारची एक महत्त्वकांक्षी योजना आहे, अर्थमंत्री अजित पवार यांनी राज्याच्या अंतरिम अर्थसंकल्पात या योजनेची घोषणा केली. महिला आर्थिकदृष्या सक्षम व्हाव्यात हा या योजनेचा उद्देश आहे. मात्र आता या योजनेत अनेक ठिकाणी गौरप्रकार सुरू असल्याचं समोर येत आहे. नांदेडमधून देखील असाच एक धक्कादायक प्रकार समोर आला आहे. लाडक्या बहिणींच्या आधार कार्ड नंबर ऐवजी त्यांच्या पतीचा आधार नंबर अर्ज भरताना दिला आणि त्यानंतर त्यांच्या खात्यात आलेली रक्कम सीएससी सेंटर चालकानं परस्पर हाडप केल्याचं समोर आलं आहे. घोटाळा उघड होताच हा सेंटर चालक फरार झाला आहे.