Nashik Kumbh Mela 2026 : 18 महिने चालणारा कुंभमेळा! नाशिकमध्ये भाविकांचा महासागर उसळणार, तारखा ठरल्या! वाचा एका क्लिकवर

कुंभमेळा अधिक दीर्घकालीन आणि नियोजित स्वरूपात पार पडणार आहे. यामध्ये 3 मुख्य शाही स्नान आणि 42 पर्व स्नान समाविष्ट असणार आहेत. शाही स्नान जुलै ते सप्टेंबर दरम्यान दीड महिन्याच्या कालावधीत पार पडणार आहेत.

आज नाशिकमध्ये मुख्यमंत्री देवेंद्र फडणवीस यांच्या उपस्थितीत कुंभमेळा बैठक पार पडली. या बैठकीत 13 आखड्यांचे साधू महंत, प्रमुख शासकीय अधिकारी उपस्थित होते. त्याशिवाय, मंत्री गिरीश महाजन, दादा भुसेही उपस्थित होते. आजच्य बैठकीत कुंभमेळ्यातील शाही स्नानाच्या तारखांसोबत साधुग्राम, गोदावरी नदी प्रदूषण, कुंभ निधी, प्राधिकरणातील समावेशाबाबत चर्चा झाल्याची माहिती सूत्रांनी दिली.

31 ऑक्टोबर 2026 दुपारी 12 वाजून 2 मिनिटांपासून कुंभमेळाला सुरुवात होणार आहे.

ध्वजारोहण- 31 ऑक्टोबर 2026

समाप्ती - 24 जुलै 2028

नगर प्रदक्षिणा 29 जुलै 2027

प्रथम अमृत स्नान 2 ऑगस्ट 2027

द्वितीय अमृत स्नान 31 ऑगस्ट 2027

तृतीय अमृत स्नान 11 सप्टेंबर 2027

ध्वज अवतरण पर्वकाळ 24 जुलै 2028

द्वितीय अमृस्नान - 31-08- 2027

तृतीय अमृस्नान - 12- 09-2027

पहिले अमृस्नान -2-08-2027

द्वितीय अमृस्नान - 31-08- 2027

तृतीय अमृस्नान - 11- 09-2027

दरम्यान, कुंभमेळ्यात होणाऱ्या प्रमुख स्नानाला शाही स्नान न म्हणता अमृत स्नान म्हणून संबोधण्यात येणार आहे. शाही स्नान हा शब्द मुघल काळाशी संबंधित आहे. त्यामुळे आता शाही ऐवजी अमृत हा शब्द वापरण्याची मागणी महंत राजेंद्र दास महाराज यांनी केली. गोदावरी नदीच्या प्रदूषणाच्या मुद्द्यावर कठोर पावले सरकारने उचलावे, कुंभमेळा प्राधिकरण घोषित करावे, अशी मागणीही त्यांनी केली. मुख्यमंत्री फडणवीस यांच्या बैठकीआधी त्यांनी माध्यमांशी बोलताना ही मागणी केली.