Nashik News : पालकांची चिंता वाढवणारी बातमी! आठवड्यात 2 शाळकरी मुलांनी संपवलं जीवन; कारणही धक्कादायक

नाशिक शहरातील गंगापूर रोड वरील झोड्यक्स बिल्डिंग सिरीन मेडोज येथे ही घटना घडली. आदित्य भांडारकर असं आत्महत्या करणाऱ्या 14 वर्षीय विद्यार्थ्याचं नाव आहे. आज सकाळी 7:30 वाजता ही घटना घडली. आत्महत्या करण्याचं कारण अस्पष्ट आहे. मात्र, या घटनेने पालकांची चिंता वाढवली आहे. पोलिसांनी मृतदेह ताब्यात घेतला असून शवविच्छदनासाठी शासकीय रुग्णालयात दाखल केला आहे.

सिडकोतील स्वामी विवेकानंद नगरात सुनील शिलावट हे आपल्या कुटुंबासमवेत राहतात. मंगळवारी शिलावट कामासाठी घराबाहेर होते. तर त्यांची पत्नी नोकरीनिमित्त कामाच्या ठिकाणी गेल्या होत्या. त्यांची मुलगी भाग्यश्री (वय 16) ही इयत्ता १० वीचा पेपर देऊन घरी आली. त्यानंतर काही वेळाने तिची बहिण घरी आली. त्यावेळी भाग्यश्री स्वयंपाक खोलीतील पंख्याला गळफास घेतलेल्या अवस्थेत आढळली. आत्महत्येपूर्वी भाग्यक्षीने एक चिठ्ठी लिहिली होती. त्यात आई-वडील यांच्या सततच्या भांडणाला कंटाळून जीवन संपवत असल्याचं लिहिलं आहे.

सध्याच्या धकाधकीच्या जीवनात नात्यांमध्ये एकमेकांना वेळ देणे दुरापास्त होत चाललं आहे. त्यातही मोबाईलचा वाढता वापराने घरात एकत्र असूनही प्रत्येकजण मोबाईलमध्ये डोकं खुपसून बसलेला असतो. परिणामी नात्यांमधील दुरावा वाढत चालला आहे. अशात अल्पवयीन मुलांची अनेकदा घुसमट होताना पाहायला मिळते. याचा पालकांनी गांभीर्याने विचार करायला हवा. आपल्या मुलांसोबत सुसंवाद ठेवणे आवश्यक आहे.