नाशिक-मुंबई प्रवास फक्त 120 मिनिटांत! ना गाडी बदलण्याची कटकट ना खड्ड्यातून जाण्याचं टेन्शन, प्रवासाचा सुपर प्लॅन

नाशिककरांसाठी अत्यंत आनंदाची आणि आनंदाची बातमी आहे. आता तुमचा प्रवासासाठीचा वेळ वाया जाणार नाही. तुम्ही तुमचं काम एका दिवसात करुन पुन्हा घरी येऊ शकता. अवघ्या 120 मिनिटांत तुम्ही नाशिक ते मुंबई प्रवास करू शकता. मुंबई आणि नाशिक ही दोन महत्त्वाची शहरे आता कनेक्टिव्हिटीच्या नव्या उंचीवर नेण्याचा सरकारचा मानस आहे. एका वृत्तवाहिनीच्या कार्यक्रमात बोलताना मंत्री गिरीश महाजन यांनी नाशिकच्या भविष्यातील विकासाचा संपूर्ण रोडमॅपच मांडला.