Nsashik Traffic: दिवाळीआधी नाशिकच्या वाहतुकीत मोठे बदल, 7 मार्गांवर प्रवेश बंद, जाणून घ्या पर्यायी रस्ते

नाशिक: हिंदू धर्मियांचा सर्वात मोठा सण दिवाळी लवकरच सुरू होत आहे. नाशिकमधील बाजारपेठ खरेदीसाठी गजबजली असून बाजारपेठांच्या परिसरात मोठ्या प्रमाणात खरेदीदार आणि विक्रेत्यांची गर्दी होत आहे. याच पार्श्वभूमीवर नागरिकांची गैरसोय टाळण्यासाठी नाशिक शहर वाहतूक पोलिसांनी मोठा निर्णय घेतला आहे. शहरातील सात प्रमुख मार्गांवर वाहनांना सकाळी 10 ते रात्री 10 वाजेपर्यंत बंदी घालण्यात आलीये. बुधवारी, 15 ऑक्टोबरपासून ते 23 ऑक्टोबरपर्यंत ही बंदी असेल.