NCP : अजितदादा पुन्हा पडले भारी, राहुल नार्वेकरांसह पवार काकांना कोर्टाची नोटीस

मुंबई : राष्ट्रवादीत फूट पडल्यानतंर निवडणूक आयोगाने पक्ष आणि चिन्ह अजित पवार गटाला दिलं. त्यानंतर विधानसभा अध्यक्ष राहुल नार्वेकर यांनी घेतलेल्या सुनावणीतही राष्ट्रवादी काँग्रेस पक्ष आणि चिन्ह अजित पवार यांचेच असल्याचा निकाल दिला. यासोबत अजित पवार आणि शरद पवार गटाचे कुणीही आमदार अपात्र नाहीत असाही निर्वाळा दिला. दरम्यान, राष्ट्रवादी काँग्रेसच्या अजित पवार गटाकडून विधानसभा अध्यक्षांच्या निकालाविरोधात उच्च न्यायालयात धाव घेण्यात आली आहे.