RSS ने दुसरा उमेदवार सुचवला पण तरीही... ड्रग्ज प्रकरणातील आरोपीला भाजपकडून तिकीट, ओमराजे संतापले

बालाजी निरफळ, प्रतिनिधी, धाराशिव : धाराशिव ड्रग्स प्रकरणातील आरोपी पिंटू गंगणे याला तुळजापूर नगराध्यक्षपदाची उमेदवारी देण्यावरून खासदार ओमराजे निंबाळकर यांनी राणा जगजितसिंह पाटील यांच्यावर टीकेची झोड उठवली आहे. सुप्रिया सुळे यांना पत्रातून उत्तर देताना राणा पाटील यांना जनाची नाही तर मनाची तरी लाज वाटली पाहिजे, अशा बोचऱ्या शब्दात त्यांनी राणा पाटलांवर हल्ला चढवला आहे. तसेच राष्ट्रीय स्वयंसेवक संघाचे मत डावलून उमेदवार दिल्याचा आरोप ओमराजेंनी केला.