Ganesh Chaturthi 2025: पुणेरी मोदक झाले ग्लोबल! परदेशातून येणाऱ्या ऑडर्सची संख्या वाढली  

पुणे : सर्वांचा लाडका गणेशोत्सव काही तासांवर आला आहे. त्यामुळे सध्या मिठाईच्या दुकानांमध्ये बाप्पाला आवडणाऱ्या मोदकांचे विविध प्रकार उपलब्ध झाले आहे. 'मोदक' हा गणपती बाप्पाचा सर्वात आवडता पदार्थ मानला जातो. गणेशोत्सवात घरोघरी मोदक बघायला मिळतात. पारंपरिक खव्याचे मोदक असो किंवा आधुनिक चॉकलेट आणि मावा मोदक असो, सर्व प्रकारच्या मोदकांना गणेशोत्सवात मोठ्या प्रमाणावर मागणी आहे. विशेष म्हणजे, यंदा पुण्यात तयार होणारे मोदक केवळ महाराष्ट्रापुरतेच मर्यादित राहिलेले नाहीत तर अमेरिका, ब्रिटनसह जगभरात त्यांच्या मागणीत लक्षणीय वाढ झाली आहे.