पंकजा मुंडे यांच्या भाषणात चुकून वनवासाऐवजी संन्यास उल्लेख, सावरत म्हणाल्या तिकडे जायचं नाही!

विधानसभा निवडणुकांच्या सभांसाठी खूप फिरावे लागत असल्याने जेवणही मिळत नाही. मिळेल ते जेवण हॅलिकॉप्टर मध्येच बसून खावे लागत आहे. विधानसभेच्या प्रचारासाठी मरमर करतोय, कष्ट करतोय, आपल्याला यश नक्की मिळेल, असे पंकजा म्हणाल्या. माझा मोठ्या घरी जन्म होऊनही अनेक कष्टांना मला सामोरे जावा लागले. गोपीनाथ मुंडे गेल्यानंतर अनेक दुःख पेलली, असेही पंकजा म्हणाल्या.

जेष्ठ नेते स्व. शंकरराव चव्हाण यांची कर्मभूमी असलेल्या नांदेड जिल्हातील भोकर विधानसभा मतदारसंघाच्या भाजपा व महायुतीच्या अधिकृत उमेदवार श्रीजया अशोक चव्हाण आणि नांदेड लोकसभा मतदारसंघ भाजप महायुतीचे उमेदवार संतुकराव हंबर्डे यांच्या प्रचारार्थ आज आयोजित केलेल्या भव्य जाहीर सभेस संबोधित केले. माजी मुख्यमंत्री तथा खासदार अशोकराव चव्हाण यांचा समाजकारणाचा वारसा यशस्वीपणे चालवणाऱ्या श्रीजया निवडून आल्यानंतर देखील मतदारसंघातील जनतेने दिलेल्या जनसेवेचा वसा नक्कीच योग्यरीतीने सांभाळतील यात काही शंका घेण्याचे कारण नाही, असे पंकजा म्हणाल्या.

त्यामुळे, येत्या वीस तारखेला कमळासमोरील बटण दाबून दोन्ही उमेदवारांना प्रचंड बहुमताने विजयी करून विधिमंडळात आपल्या मराठवाड्याचा आवाज आपण बुलंद करावा असे आवाहन उपस्थितांना केले.