'लेकरांना अटक झाली तर..'; बीडच्या इशारा सभेपूर्वीच जरांगे पाटलांनी सांगितला प्लॅन

परभणी, 22 डिसेंबर : सध्या राज्यात मराठा आरक्षणाचा मुद्दा चांगलाच तापला आहे. मराठा आंदोलक मनोज जरांगे पाटील यांनी सरकारला मराठा समाजाला आरक्षण देण्यासाठी 24 डिसेंबरची डेडलाईन दिली आहे. मात्र 24 तारखेला आता अवघे दोन  दिवस शिल्लक राहिले असतानाही सरकारला अद्यापपर्यंत आरक्षणाच्या प्रश्नावर तोडगा काढता आलेला नाहीये. या पार्श्वभूवीवर उद्या मनोज जरांगे पाटील यांची बीडमध्ये सभा होणार आहे. मात्र बीडच्या सभेपूर्वीच त्यांनी सरकारवर घणाघात केला आहे. ते परभणीमधील सेलूमध्ये बोलत होते.