पाटण विधानसभा निवडणूक 2024: पाटणचा गड कोण राखणार, तिसंगी लढत होणार का?

सातारा: सातारा जिल्ह्यातील महत्त्वाचामतदारसंघ आहे पाटण विधानसभा मतदारसंघ. जागावाटपापासून धक्के देणारा हा मतदारसंघ. शिवसेनेते शंभुराज देसाई हे विद्यमान आमदार आहेत. पाटण विधानसभा मतदारसंघात पारंपरिकपणे देसाई आणि पाटणकर यांच्यात लढत होते. यामुळे या विधानसभा निवडणुकीत ही जागा शरद पवारांच्या राष्ट्रवादीकडे जाईल आणि तिथे सत्यजितसिंह पाटणकर यांना उमेदवारी मिळेल अशी शक्यता होती. मात्र, शिवसेना उद्धव बाळासाहेब ठाकरे यांच्याकडून हर्षद कदम यांना उमेदवारी जाहीर करण्यात आली आहे. त्यामुळे अनेकांना आश्चर्याचा धक्का बसला आहे. पाटणमध्ये शंभुराज देसाई विरुद्ध हर्षद कदम अशी लढत होणार आहे. पण सत्यजितसिंह पाटणकरांनी बंडाचा पवित्रा घेतल्याने तिरंगी लढत होऊ शकते.