VIDEO : महिला डॉक्टर आत्महत्या प्रकरण: PSI गोपाल बदणे स्वत:हून फलटण पोलीस ठाण्यात हजर

Satara News : साताऱ्याच्या फलटण तालुक्यातील महिला डॉक्टर आत्महत्या प्रकरणात एक मोठी अपडेट समोर आली आहे. PSI गोपाल बदणे हे स्वत:हून फलटण पोलीस ठाण्यात हजर झाले आहेत. महिला डॉक्टरने हातावर सूसाईट नोट लिहून आत्महत्या केली होती.यावेळी महिला डॉक्टरच्या हातावर जी दोन नाव होती, त्यामध्ये PSI गोपाल बदणे आणि प्रशांत बनकर या दोघांची नावे होती. यामधील प्रशांत बनकर हे शुक्रवारी रात्रीच पोलीस ठाण्यात हजर झाले होते.त्यानंतर कालपासून बदणे यांचा पंढरपूर पासून पूण्यापर्यंत शोध सातारा पोलीस घेत होते. पण आज PSI गोपाल बदणे हे स्वत:हून फलटण पोलीस ठाण्यात हजर झाले आहेत. त्यामुळे आता पोलीस त्यांची चौकशी करणार असून घटनेचा उलगडा होण्याची शक्यता आहे.