Chhatrapati Shivaji Maharaj : शिवरायांचा पुतळा कोसळल्याप्रकरणी मालवणमध्ये उद्या जनसंताप मोर्चा; शिवप्रेमींना सहभागी होण्यास आवाहन

पंतप्रधान नरेंद्र मोदी यांच्या हस्ते लोकार्पण झालेला शिवछत्रपतींचा पुतळा अवघ्या 8 महिन्यांत कोसळला. शासन प्रसासनाच्या या भ्रष्टकारभाराचा निषेध करण्यासाठी उद्या मालवणात विराट जनसंताप मोर्चाचे आयोजन करीत आहोत. प्रत्येक शिवप्रेमीं नागरिकांच्या मनात उफाळलेला तिव्र संताप शासनाच्या निदर्शनास आणून देण्यासाठी आणि या दुर्घटनेमागच्या सर्व सूत्रधारांना कायमची अद्दल घडविण्यासाठी उद्या बुधवार 28 ॲागष्ट रोजी सकाळी 10 वाजता मालवण भरड दत्तमंदिर येथून बाजारपेठ मार्गे तहसिलदार कार्यालयावर हा जनसंताप मोर्चा धडकणार आहे. या विराट जनसंताप निषेध मोर्चात तमाम शिवप्रेमी नागरिकांनी आपले व्यवहार बंद ठेवून उत्स्फूर्त सहभाग घ्यावा असे आवाहन शिवसेना शाखा मालवण- महाविकास आघाडी व शिवप्रेमी नागरिकांच्या वतिने करीत आहोत.