Ganesh Chaturthi 2025: कोकणात जाताना मुंबई-गोवा हायवे नकोसा वाटतो? पुणे मार्गे सहा पर्याय ठरतील अधिक सोयीस्कर

मुंबई: येत्या 27 ऑगस्टपासून गणेशोत्सव सुरू होणार आहे. त्यानिमित्त मुंबईतील हजारो चारकमानी कोकणात जाण्याच्या तयारीत आहेत. त्यामुळे या विकेंडपासूनच (23 ऑगस्ट) मुंबई-गोवा हायवेवर मोठ्या प्रमाणात वाहतूक कोंडी होण्याची शक्यता आहे. ही वाहतुक कोंडी टाळण्यासाठी सिंधुदुर्ग जिल्ह्यात जाणारे चाकरमानी पुणे-बेंगलोर महार्मागाचा वापर करून कोल्हापूर, राधानगरी, निपाणी मार्गे प्रवास करू शकतात. विशेष म्हणजे रत्नागिरी जिल्ह्यातील व राजापूर तालुक्यात चाकरमान्यांसाठी देखील हा रस्ता सोयीचा ठरणारा आहे. यामुळे वेळेची बचत तर होईलच आणि त्रासही कमी होईल.