खून करून दहशत माजवली, गुन्हे करून पैसे कमावले, आंदेकर टोळीतील एकाने मागच्या ५ वर्षात...

पुणे : आंदेकर-कोमकर यांच्यातील टोळीयुद्ध संपूर्ण राज्यात चर्चेत आहेत. गुन्हा करण्याची अतिशय अमानवीय पद्धत आणि त्यांच्या क्रौर्याने संपूर्ण पूर्ण शहर हादरून गेले आहे. सख्ख्या नातवाची हत्या करण्यापर्यंत आंदेकर टोळीचा प्रमुख बंडू आंदेकर याची मजल गेली. मुलगा वनराज याच्या हत्येचा वर्षभराच्या आत बदला घेण्याच्या इराद्याने त्याने जंग जंग पछाडून मुलगा गेल्याचे दु:ख काय असते, हे केवळ लेकीला दाखविण्यासाठी नातवाची हत्या घडवून आणल्याचा बंडू आंदेकर याच्यावर आरोप आहे. याच अनुषंगाने पुणे पोलिसांचा तपास सुरू आहे. तपासादरम्यान गुन्हेगारांची गुन्हा करण्याची पद्धती, कट कसा रचला आणि त्यात कुणाकुणाचा सहभाग होता? आर्थिक मदत कुणी केली? यासंबंधीची माहिती गेल्या आठवड्याच समोर आली. पण त्याचबरोबर गुन्हेगारांनी गुन्हे करून दहशत निर्माण करून त्याजोरावर संपत्ती कशी कमावली, याची गोष्ट खुद्द पुण्याचे पोलीस आयुक्त अमितेश कुमार यांनी सांगितली.