IND vs PAK : पहिल्याच ओव्हरमध्ये टीम इंडियाकडून मोठी चूक,अभिषेक शर्माने सोडला सोप्पा कॅच, हार्दिक भडकला

टीम इंडियाकडून हार्दिक पांड्याने गोलंदाजीला सूरूवात केली होती.यावेळी पहिल्याच ओव्हरच्या तिसऱ्या बॉलवर मोठी चूक घडली आहे. पाकिस्तानच्या साहिबजादाने मारलेला बॉल थेट बाऊंन्ड्री लाईनवर उभ्या असलेल्या अभिषेक शर्माच्या हातात गेला होता.पण त्याने हा महत्वाचा कॅच ड्रॉप केल्या.त्यानंतर हार्दिक पांड्या प्रचंड भडकला होता. त्यामुळे टीम इंडियाकडून मोठी चूक घडली.ही चूक टीम इंडियाला महागात पडणार आहे.

साहिबजादा 4 धावांवर खेळत असताना त्याची कॅच ड्रॉप झाली होती.त्यामुळे तो आता या मिळालेल्या जीवनदानाचा किती फायदा घेतो हे पाहणे महत्वाचे ठरणार आहे. दरम्यान यानंतर दुसर्याच ओव्हरमध्ये हार्दिक पांड्याने फखर जमानची विकेट घेतली होती. फखर जमान विकेटमागे कॅच आऊट झाला. त्याने 15 धावा केल्या होत्या. त्याच्यानंतर आता मैदानात सयम अयुब आला आहे.

टॉस दरम्यान बोलताना सुर्यकुमार यादव म्हणाला, आम्ही प्रथम गोलंदाजी करू. खेळपट्टी छान दिसतेय आणि काल दव पडला होता. पहिल्या फेरीपासून आपल्याला वाटत होते की आपण बाद फेरीत खेळत आहोत, काहीही बदलले नाही. ती पूर्णपणे वेगळी खेळपट्टी होती (अबू धाबीमध्ये). अगदी सामान्य, फक्त दुसरा सामना. अर्शदीप आणि हर्षितसाठी बुमराह आणि वरुण परतले आहेत असे त्याने सांगितले.

पाकिस्तानचा कर्णधार सलमान आगा म्हणाला, मीही प्रथम गोलंदाजी केली असती.हा एक नवीन सामना आहे, नवीन आव्हान आहे. वातावरण अगदी सामान्य आहे. खेळपट्टी हळू दिसतेय. बॅट आणि बॉल दोन्हीने चांगली सुरुवात करायची आहे. दोन बदल. हसन नवाज आणि खुशदिल शाह खेळत नाहीत.