Pune News: पुण्यात 'खाकी' डागाळली; बंडगार्डन पोलीस ठाण्यातच लाच मागणारा मासा लागला गळाला, प्रकरण काय?

अभिजीत पोते, प्रतिनिधी, पुणे: कायद्याचे रक्षकच गुन्हेगारी कृत्यात पुढाकार घेतात तेव्हा खाकी वर्दीच्या विश्वासार्हतेवर प्रश्नचिन्ह उभे राहते. पुण्याच्या बंडगार्डन पोलीस ठाण्यात असाच एक धक्कादायक प्रकार समोर आला आहे. एका तक्रारदाराविरुद्ध गुन्हा दाखल न करण्यासाठी २ लाख रुपयांची लाच मागितल्याप्रकरणी पोलीस उपनिरीक्षक संदीप खेडकर यांच्यावर लाचलुचपत प्रतिबंधक विभागाने (ACB) गुन्हा दाखल केला आहे.