अशोकरावांच्या बालेकिल्ल्यात राहुल गांधींची सभा; सभेनंतर एसटी स्थानक गाठलं, गप्पा मारत घेतला ऊसाच्या रसाचा घोट

नांदेड : काँग्रेस नेते राहुल गांधी (Rahul Gandhi)  यांनी आजपर्यंत कुठेही प्रवास किंवा प्रचारासाठी गेले की त्यांची सर्वसामान्य लोकांबरोबर नाळ जोडून घेण्याचा (Maharashtra Assembly Election)  प्रयत्न असो किंवा कार्यकर्त्यांसोबत बसून वेळ घालवण्याची सवय असो यामुळे राहुल गांधी नेहमी चर्चेत असतात. असाच अनुभव आज नांदेडमध्येही पहायला मिळाला. नांदेडमध्ये संभा आणि त्यानंतर दिल्ली असा राहुल गांधीचा नियोजित दौरा होता. मात्र सभा संपल्यानंतर राहुल गांधी यांनी कुठल्याही हॉटेलमध्ये न जाता ताफा थेट नांदेडच्या बस डेपोमध्ये घेऊन गेले. एवढच नाही तर तिथे त्यांनी ऊसाच्या रसाचा देखील आस्वाद घेतला.