दादांच्या मृत्यूनंतर मंजूर केलेल्या फाईलचा रेट ४० लाख, त्या अधिकाऱ्यांवर रोहित पवार संतापले

मुंबई : अल्पसंख्याक मंत्रालयाची धुरा सांभाळणारे उपमुख्यमंत्री अजित पवार यांचे ज्या दिवशी अपघाती निधन झाले, त्याच दिवशी अल्पसंख्याक खात्याशी संबंधित अनेक फाईली मंत्रालयात मंजूर झाल्याचा धक्कादायक प्रकार समोर आला आहे. अजित पवार यांच्या निधनामुळे राज्य सरकारने जाहीर केलेल्या शासकीय दुखवटा काळात अल्पसंख्याक विभागाने ७५ शाळा तथा संस्थांना अल्पसंख्याक दर्जा दिला. अल्पसंख्याक खात्यातील वरिष्ठ अधिकाऱ्यांनी ज्येष्ठ नेत्याच्या सांगण्यावरून सूत्रे हलविल्याचा आरोप होत आहे.