चाकणकरांशी पंगा भोवला, प्रवक्तेपदावरून हकालपट्टी, रुपाली पाटील यांची पहिली प्रतिक्रिया

मुंबई : स्थानिक स्वराज्य संस्थेच्या निवडणुकांआधी पक्षातील महिला नेत्यांमध्ये सुरू असलेल्या संघर्षाच्या कारणातून पक्षाची प्रतिमा मिलन होत असल्याने रुपाली पाटील यांची प्रवक्ते पदावरून हकालपट्टी करण्याचा निर्णय अजित पवार यांनी घेतला. पाटील यांच्यासोबत आमदार अमोल मिटकरी यांनाही पक्षाने प्रवक्तेपदावरून बाजूला केले. पक्षातील दोन धडाडीच्या प्रवक्त्यांना बाजूला सारून निवडणुकीच्या आधी प्रतिमा उंचाविण्याचा प्रयत्न असल्याचे सूत्रांनी सांगितले. दरम्यान पक्षाच्या निर्णयावर दोन्ही नेते नाराज असल्याचे कळते. परंतु तरीही निवडणुकांना ताकदीने सामोरे जाण्याचा मानस त्यांनी व्यक्त केला.