कुटुंबावर क्रूर आघात! मुलाच्या मृत्यूचा धक्का झाला नाही सहन; अवघ्या 5 तासांत आईने घेतला जगाचा निरोप

अविनाश महादेव पाटील (वय-54) आणि त्यांची आई सुधाताई महादेव पाटील (वय-75) अशी या माय-लेकांची नावे आहेत. कुमठे येथील जिल्हा परिषद शाळेजवळ अविनाश पाटील आपल्या कुटुंबासोबत राहत होते. ते एक नामवंत पैलवान म्हणून ओळखले जात असत. तरुण पिढीने व्यसनांपासून दूर राहून कुस्तीकडे वळावे, यासाठी ते नेहमीच प्रयत्न करत.

पण नियतीला काहीतरी वेगळेच मंजूर होते. मुलाच्या मृत्यूचा आघात आणि त्याच्या अंत्यसंस्काराचा धक्का आई सुधाताई पाटील यांना सहन झाला नाही. मुलाच्या अंत्यविधीनंतर अवघ्या काही तासांतच, सकाळी 11.30 वाजता त्यांचीही प्राणज्योत मालवली. जे नातेवाईक आणि मित्रपरिवार अविनाशच्या अंत्यसंस्कारासाठी आले होते, ते आपल्या घराकडे परतत असतानाच त्यांना सुगताबाई यांच्या निधनाची बातमी कळाली.