माझ्या बापाला कुणी कुणी... आर आर पाटलांना लक्ष्य करणाऱ्या अजितदादांना लेक रोहित पाटलांचे जोरदार उत्तर

सांगली : आर आर पाटील यांना त्यांच्या राजकीय कारकीर्दीत बहुमोलाची साथ देऊनही त्यांनी माझा केसाने गळा कापला. त्यांनीच सिंचन घोटाळ्याच्या फाईलवर त्यांनीच सही करून माझी खुली चौकशी करण्यासाठी परवानगी दिली, अशी टीका राज्याचे उपमुख्यमंत्री अजित पवार यांनी मंगळवारी तासगावमध्ये बोलताना केली. टीकेनंतर संयमी भूमिका घेऊन अजितदादांचे वक्तव्य आवडत नसल्याचे आर आर पाटील यांचे चिरंजीव रोहित पाटील यांनी सांगितले खरे. पण बुधवारी आक्रमक रूप धारण करत माझ्या वडिलांना कुणी कुणी त्रास दिला, हे वेळ आल्यावर नक्की सांगेन, अशा शब्दात त्यांनी अजित पवार यांना अप्रत्यक्ष उत्तर दिले.