पाऊण तोळ्याची चोरी, पण DySP थेट घटनास्थळी, सोनं महागल्याचा परिणाम की दुसरंच कारण?

सांगली: भारतीय न्यायसंहितेमध्ये घरफोडी हा गंभीर गुन्हा मानला जातो. 1980 मध्ये सोन्याचा दर साधारण हजार रुपयांपर्यंत होता. तेव्हापासून 75 हजार रुपयांची घरफोडी झाली, तर 'डीवायएसपी' यांना 'स्पॉट व्हिजिट' करावी लागते; परंतु आता सोन्याचा दरच सव्वालाखापर्यंत पोहोचला आहे. घरफोडीत पाऊण किंवा एक तोळा सोने चोरीला गेले तरी 'डीवायएसपीं'ची घटनास्थळी भेट निश्चित होते. सध्या सोन्याचे भाव अन् घरफोड्याही वाढल्या आहेत. त्यामुळे 'डीवायएसपीं'च्या घरफोडीच्या भेटीही वाढल्या आहेत.