BMC Election: BMC साठी संजय राऊतांकडून युतीचा प्रस्ताव, शरद पवारांनी एका वाक्यात स्पष्ट सांगितलं...

मुंबई : महापालिका निवडणुका जाहीर झाल्यानंतर युती-आघाड्यांसाठीच्या बैठकांचे सत्र जोरात सुरू झाले आहे. मुंबई महापालिका निवडणुकीसाठी ठाकरे गट आणि मनसे यांच्या युतीची जोरदार चर्चा सुरू आहे. या दोन्ही पक्षांमध्ये युती जवळपास निश्चित झाली असून जागा वाटपाची चर्चा अंतिम टप्प्यात आली आहे. ठाकरे बंधूंच्या युतीमध्ये राष्ट्रवादी शरद पवार गटालाही येण्याचा प्रस्ताव देण्यात आला आहे. ठाकरे गटाचे नेते संजय राऊत यांनी ज्येष्ठ नेते शरद पवार यांची भेट घेतली. या वेळी शरद पवारांनी ठाकरेंसोबतच्या आघाडीवर सूचक भाष्य केले.