Sanjay Raut : ठाकरे बंधूंमध्ये फोनवरून चर्चा? संजय राऊतांचे सूचक वक्तव्य, मनोमिलन झाल्यानेच...

मनसे नेते अमित ठाकरे यांनी युतीबाबत दोन भावांमध्ये चर्चा होईल, त्यावर आम्ही काही बोलणार नाही असे म्हटले होते. राज ठाकरे यांचा नंबर आदित्य आणि उद्धव ठाकरे यांच्याकडेदेखील आहे. त्यामुळे एक फोन करायला हरकत नाही असे म्हटले होते. त्यावर संजय राऊत यांनी म्हटले की, 'राज ठाकरे आणि उद्धव ठाकरे यांच्यात फोनवरून चर्चा झाली देखील असेल. तुम्हाला फळ दिसल्याचे कारण आहे ना...फळ येण्यासाठी आधी मेहनत घ्यावे लागते. त्यानंतर झाडावर फळ येते. युतीची प्रक्रिया सुरू झाली असल्याचे सूचक वक्तव्य संजय राऊत यांनी केले. दोन भावांमध्ये चर्चा होईल, पण या दोन भावांना फोनवर बोलण्यासाठी प्रस्तावाची गरज नसल्याचे संजय राऊत यांनी म्हटले.

अमित ठाकरे यांनी गुरुवारी माध्यमांशी बोलताना संजय राऊत यांनी राज यांच्या भेटीसाठी कॅफेटेरियात यावं असं म्हटले. त्यावर संजय राऊत यांनी म्हटले की, राज यांचे निवसास्थान आमच्यासाठी ते कॅफेटेरिया नसून घर आहे. कॅफेटेरिया हे इतरांसाठी असल्याचे राऊत यांनी म्हटले.  काही महिन्यापूर्वी संजय राऊत यांनी राज यांच्या निवासस्थानी भाजप, शिंदे गटाचे नेते जात होते. या भेटी वैयक्तिक असल्याच्या चर्चा असल्याचे सांगण्यात येते होते.  त्यावर राऊत यांनी राज यांनी कॅफेटेरिया सुरू  केल्याचे म्हटले होते.