Video: "मस्ती आलीय का तुला", संजय शिरसाटांची ठाकरे गटाच्या पदाधिकाऱ्याला मतदान केंद्राबाहेरच धमकी; व्हिडीओ व्हायरल

उस्मानपुरा भागातील मतदान केंद्राजवळ हा सर्व प्रकार घडल्याची माहिती आहे. अंबादास दानवेंनी पोस्ट केलेल्या व्हिडिओत संजय शिरसाट समोरच्या कार्यकर्त्यांना अश्लील शिवीगाळ करताना दिसून येत आहेत. तर दोन मिनिटात गायब करुन टाकेल अशी धमकी देताना दिसून येत आहे. ज्या व्यक्तीला धमकी देण्यात आली ते ठाकरे गटाचे उपशहर प्रमुख नितीन पवार आहेत.

समोर आलेल्या माहितीनुसार, उस्मानपुरा भागात मतदान केंद्राबाहेर बुथजवळ आमदार संजय शिरसाट यांची गाडी आली. शिरसाटांची गाडी आल्यानंतर उद्धव बाळासाहेब ठाकरे गटाच्या कार्यकर्त्यांनी घोषणाबाजी केली. त्यानंतर शिरसाटांनी शिवीगाळ करत मारण्याची धमकी देत गायब करून टाकेल असे म्हणाले.

वरळी विधानसभा मतदारसंघातील शिवसेना शिंदे गटाचे उमेदवार मिलिंद देवरा यांचे कार्यकर्ते वरळी कोळीवाड्यात मतदारांना भांडी वाटप करत असताना त्यांना शिवसेना ठाकरे गटाच्या कार्यकर्त्यांनी पकडले. यावेळी शिवसेना ठाकरे गटाच्या कार्यकर्त्यांनी पकडलेली भांडी पोलिसांना दाखवली. मात्र, पोलीस तक्रार दाखल करून घेण्यास टाळाटाळ करत असल्याचे आरोप शिवसेना ठाकरे गटाने केला. वरळी कोळीवाड्यातील या घटनेचे व्हिडीओ व्हायरल झाले आहेत. मतदारांना एक कूपनच्या माध्यमातून भांडी वाटप केले जात असल्याचा दावा व्हिडीओतून करण्यात आला आहे. एका घरातून हळदी कुंकूची भेटवस्तू म्हणून शिंदे गटाकडून भांडी वाटप सुरू असल्याचा आरोप करण्यात आला.