Vaibhavi Deshmukh HSC Result Marksheet : परीक्षेपूर्वी बापाला गुंडांनी संपवलं, ती हरली नाही तर लढली, वैभवीची मार्कशीट आली समोर

बीड: मस्साजोग गावचे सरपंच संतोष देशमुख यांच्या हत्या प्रकरणाने बीडच नव्हे तर राज्यातील वातावरण ढवळून निघाले. संतोष देशमुख यांच्या निर्घृण हत्येनंतर बीडसह राज्यात मोठे मोर्चे निघाले. संतोष देशमुख यांच्या हत्या प्रकरणानंतरच्या या मोर्चात त्यांचा भाऊ धनंजय देशमुख आणि संतोष देशमुख यांची मुलगी वैभवी देशमुख अग्रभागी होते. वडिलांच्या या निर्घृण हत्येचं दु:ख मनात ठेवत वैभवीने बारावीची परीक्षा दिली आणि चांगल्या गुणांनी उत्तीर्ण झाली. वैभवीची मार्कशीट समोर आली आहे. वडिलांचे स्वप्न पूर्ण करण्यासाठी वैभवीने आपलं एक दमदार पाऊल टाकले आहे. आज बारावीची परीक्षा चांगल्या गुणांनी उत्तीर्ण झाली पण शाबासकीची थाप द्यायला वडील नाहीत, अशी भावूक प्रतिक्रिया वैभवी देशमुखने दिली.