Waghnakh : 'महाराजांच्या वाघनखांना गालबोट लावणे म्हणजे..' मुख्यमंत्र्यांनी विरोधकांना सुनावलं

"छत्रपती शिवाजी महाराज यांच्या पराक्रमाचे आणि विरतेचे दर्शन होईल. ही वाघनखे आपल्या मराठी भूमीत दाखल झाली आहेत. सुधीरभाऊ लंडनमध्ये गेले त्यांच्यामुळेच याचे दर्शन आज झाले. काही लोक शंका उपस्थित करत आहेत. हे दुर्दैव आहे. काही लोकांना फक्त राजकारण करायचे असते आणि चागल्या कामाला गालबोट लावायचे असते. वाघनखाला गालबोट म्हणजे विरतेचा अपमान करणे आहे. शिवाजी महाराज यांच्या पदस्पर्शाने पावन झालेली ही भूमी आहे. अफजलखान शिवाजी महाराज यांना मारण्यासाठी आला होता. पण, शिवाजी महाराज यांनी त्याचा कोथळा बाहेर काढला. अफजल खानाचा वध ही साधी सुधी घटना नव्हती. आपण त्यांच्या .बद्दल बोलले म्हणजे वाघनखे जास्त वेळ आपल्याकडे राहतील. बाहेर देखील पाहत होतो. सर्वांच्या चेहऱ्यावर एक आनंद पहायला मिळत होता", अशी प्रतिक्रिया मुख्यमंत्री एकनाथ शिंदे यांनी बोलताना दिली.