Satara : 'लाडकी बहीण'चे एकाच महिलेने भरले 28 अर्ज, गुगलवरून शोधले आधारकार्डचे नंबर; खात्यात पैसे किती आले?

खारघर मधील महिला पुजा प्रसाद महामुनी यांच्या आधार कार्डचा गैरवापर झाल्याचं समोर आलं होतं. पनवेल तहसिल कार्यालयात तक्रार केली असता हा प्रकार समोर आला आहे. महामुनी यांचा अर्ज वारंवार भरूनदेखील सबमिट होत नव्हता. त्यांनी याबाबत तक्रार केल्यानंतर  शोध घेतला असता पुजा महामुनी यांचा अर्ज आधीच अप्रूव्हड झाले असल्याचे समोर आले. मात्र त्यांच्या आधारकार्डला सातारा येथील जाधव नामक व्यक्तिचा मोबाईल नंबर ॲड झाला होता. याबाबत अधिक माहिती मिळवली असता या व्यक्तीने आपल्या पत्नीच्या नावे एक नव्हे तब्बल 30 अर्ज भरल्याचे दिसून आले. यानंतर सदरची तक्रार पनवेल तहसिलदारांकडे करण्यात आली असून तपास सुरू करण्यात आला आहे.