Sharad Pawar : ईव्हीएम विरुद्ध बॅलेटचा मुद्दा तापणार, शरद पवारांचा आज मारकडवाडी दौरा

माळशिरस विधानसभा मतदारसंघातील मारकडवाडी गावाला शरद पवार भेट देणार आहेत. ⁠आज सकाळी दहा वाजता शरद पवार मारकरवाडी ग्रामस्थांची भेट घेणार आहेत. राष्ट्रवादी काँग्रेसचे प्रदेशाध्यक्ष जयंत पाटील हे देखील यावेळी त्यांच्याबरोबर असण्याची शक्यता आहे. ⁠⁠विधानसभा निवडणुकीत मारकडवाडी गावात झालेलं मतदान ग्रामस्थांना मान्य नाही. ⁠या विरोधात बॅलेट पेपरवर मतदान घेण्याचा ग्रामस्थांनी प्रयत्न केला होता.

मात्र प्रशासनाच्या दबावामुळे बॅलेट पेपरवर मतदान होऊ शकलं नाही. ⁠त्या पार्श्वभूमीवर राष्ट्रवादी काँग्रेसचे अध्यक्ष शरद पवार आज मारकडवाडी गावाला भेट देणार आहेत. ⁠या गावात राष्ट्रवादी काँग्रेसचे विजयी उमेदवार उत्तम जानकर यांना भाजपचे उमेदवार राम सातपुते यांच्यापेक्षा 160 मते कमी मिळाली आहेत. निकालानंतर ग्रामस्थांनी झालेले मतदान अमान्य करत शंका उपस्थित केली होती.