Ashok Kharat : साई संस्थान कर्मचाऱ्यानं उचललं टोकाचं पाऊल, चिठ्ठीमध्ये नाव असूनही पोलिसांनी भोंदू खरातला वाचवलं?

नाशिक: स्वयंघोषित ज्योतिष, भोंदूबाबा अशोक खरातचे अनेक कारनामे आता उघड होऊ लागले आहे. महिला लैंगिक शोषण केल्याप्रकरणी तुरुंगात असणाऱ्या खरातचा पाय चांगलाच खोलात अडकला आहे. आर्थिक फसवणूक, जादूटोण्याच्या नावाखाली फसवणूक अशी वेगवेगळी प्रकरणे समोर येत असताना आता चार वर्षांपूर्वीचे प्रकरण समोर आले आहे. साई संस्थानच्या कर्मचाऱ्याने केलेल्या आत्महत्या प्रकरणात खरातचे नाव आरोपपत्रातून पोलिसांनी वगळले असल्याची माहिती समोर आली आहे. त्यामुळे शिर्डी पोलिसांच्या भूमिकेवर प्रश्न उपस्थित झाले आहेत.