गोबर गॅसपासून स्वच्छतेपर्यंत: गोपुरीतला अनोखा उपक्रम

सितराज परब - प्रतिनिधी, सिंधुदुर्ग : गोपुरी आश्रमाची स्थापना कोकणचे गांधी म्हणून ओळखले जाणारे आप्पासाहेब पटवर्धन यांनी 5 मे 1948 रोजी केली. स्वातंत्र्याच्या आगमनाची चाहूल लागताच महात्मा गांधींनी कार्यकर्त्यांना आवाहन केले की, इंग्रजांनी खेडी मृतवत केली होती; तेथे पुन्हा उद्योगधंदे उभे करून खेड्यातील दारिद्र्य नष्ट करावे. याच उद्देशाने आप्पासाहेब आणि अनेक गांधीवादी कार्यकर्त्यांनी ग्रामीण भागात जाऊन काम सुरू केलंय. त्याचाच एक महत्त्वाचा भाग म्हणजे गोपुरी आश्रम.