'माहेरातून पैसे आण नाहीतर...' मारहाण करत पतीकडून धमकी, विवाहितेसोबत 5 जणांचं मिळून भयंकर कृत्य

सोलापूर: लग्नानंतर सासरी गेल्यानंतर हक्काचं घर आणि प्रेम मिळेल, अशी अपेक्षा प्रत्येक मुलीची असते. लग्नानंतर नवीन स्वप्न रंगवलेली असतात. ती पूर्ण होण्याआधीच सगळं संपेल याची कल्पनाही केली नव्हती. सोलापूरच्या शिल्पा उमेश विटकर यांच्या नशिबात सासरच्या छळाचे चटके आले. सतत टोमणे, घालून पाडून बोलणे आणि पतीकडून होणारा शारीरिक छळ हेच त्यांच्या नशीबी आलं. लग्नात मानपान झाला नाही, या क्षुल्लक कारणावरून सुरू झालेला हा त्रास मारहाणीपर्यंत पोहोचला. अखेर न्यायासाठी शिल्पा यांनी पोलीस ठाण्यात धाव घेतली. सोलापूरच्या सदर बाझार पोलीस ठाण्यात पतीसह पाच जणांविरुद्ध गुन्हा दाखल करण्यात आला.