दीड हजार सदस्य, तब्बल 2000 किलो रांगोळी, सोलापुरात नंदीध्वज मिरवणूक मार्गावर रांगोळीच्या पायघड्या

गेल्या 25 वर्षांपासून संस्कार भारतीच्या वतीने हिरेहब्बू वाडा ते सिद्धेश्वर मंदिरापर्यंत जवळपास 3 किलोमीटर पर्यंत रांगोळी काढण्यात येते. सोलापूरसह कोल्हापूर, गुजरात, पुणे, तुळजापूर, कोल्हापूर या ठिकाणांहून रांगोळी काढण्यासाठी तरुण - तरुणी आले आहेत. दीड हजार सदस्यांनी या रांगोळी कामासाठी सहभाग घेतला होता.

या रांगोळीच्या माध्यमातून दरवर्षी वेगवेगळे सामाजिक संदेश देण्याचा प्रयत्न संस्कार भारतीच्या वतीने करण्यात येतो. स्वदेशी भारत, स्वावलंबी भारत, प्रयागराज येथील कुंभमेळ्याची थीम या रांगोळ्यांच्या माध्यमातून दिसून येत आहे. रांगोळ्यांची सुबकता साकारण्यासाठी तब्बल 2000 किलो रांगोळी तसेच 1000 किलो रंगाचा वापर संस्कार भारतीच्या वतीने सोलापुरात करण्यात आलेला आहे, असं संस्कार भारती सचिव आनंद देशपांडे यांनी सांगितलं.