गरीब, वंचित, विद्यार्थ्यांसाठी सुरू केला क्लास, एकेकाळी एकच विद्यार्थी, आज 100 विद्यार्थी घेतायेत शिक्षण

सोलापूर : प्रत्येक जण आपापल्या आवडीच्या क्षेत्रात करिअरची सुरुवात करतो आणि आपल्या मेहनतीने, सातत्याने आणि जिद्दीच्या बळावर प्रामाणिकपणे प्रयत्न करत त्यात यशस्वी होतो. काही जण या प्रवासात खचतात. तर काही जण न खचता पुन्हा प्रयत्न करतात आणि ध्येयप्राप्ती करतात आणि समाजासाठी आपले योगदान देतात. आज अशाच एका व्यक्तीची कहाणी आपण जाणून घेणार आहोत.

सोलापूर शहरात एक विद्यार्थी आणि दोन शिक्षकांपासून सुरू केलेले क्लासेसमध्ये आज 100 पेक्षा जास्त विद्यार्थ्यांनी आज प्रवेश घेतला आहे. उन्नती क्लासेस असे या शिकवणी वर्गाचे नाव आहे. या उन्नती क्लासेसची सुरुवात 2006 साली झाली. मुंतकिब इनामदार यांनी एका खोलीत या क्लासची सुरुवात केली. मात्र, आज याठिकाणी 100 पेक्षा जास्त विद्यार्थ्यांनी प्रवेश घेतला आहे. आज होडगी रोड येथे उन्नती क्लासेस चालवले जातात.

विशेष म्हणजे उन्नती अकॅडमीमधून पास पास होऊन गेलेले विद्यार्थी आज कोणी डॉक्टर आहे तर कोणी इंजीनिअर आहे. आपल्या हातून एक मजबूत भारत घडवावा, अशी इच्छा उन्नती अकॅडमीचे संचालक मुंतकिब इनामदार यांनी लोकल18 शी बोलताना व्यक्त केली.