Crime: अंधारात रस्स्यावर एकट्या तरूणीला त्याने गाठलं, आधी छेड आणि मग केलं असं काही

साधारण एका आठवड्यापूर्वी एक तरूणी आपलं काम संपवून रात्रीच्या वेळी अंधारात रस्त्यावरून घराकडे जात होती. अंधाराचा फायदा घेऊन एका अज्ञात इसमाने तिचा पाठलाग करत भररस्त्यात तिची छेड काढली . संबंधित तरूणाने आरोपीला मोठा विरोध केला, त्यानंतर तरुणीने स्वतःच्या बचावाकरिता विरोध केल्याने तिला मारहाण केली. एवढ्यावरच तो थांबला नाही, तर त्याने थेट तिच्यावर ब्लेडने वार केले. विनयभंग करून तरूणीस जखमी करणाऱ्या सराईत आरोपीला अटक करण्यात गुन्हे शाखेला यश मिळाले आहे. तरुणीवर हल्ला करणाऱ्या 33 वर्षीय इसमाला पोलिसांनी सोमवारी बोरिवली वेस्ट परिसरातून ताब्यात घेतले आहे. त्याच्यावर नवघर पोलीस ठाण्यात कलम 74,75 76,78,118(1),115 नुसार गुन्हा दाखल करण्यात आला आहे.

राज्यात महिला आणि तरूणींवरील हल्ले आणि अत्याचाराच्या घटनांमध्ये सातत्याने वाढ होते आहे. याला नेमका आळा बसणार कधी? अशा गुन्हेगारांना पायबंद घालणार कोण? असा सवाल सामान्य नागरिक उपस्थित करत आहेत.