बाप्पाला द्या गोड गोड नैवेद्य, बनवा चविष्ट आणि लुसलुशीत गोड वडे, सोपी रेसिपी, VIDEO

ठाणे : सध्या सर्वत्र उत्साहात लाडक्या गणरायाचे आगमन झाले आहे. गणेशोत्सवात दररोज बाप्पाला गोडाचा नैवेद्य दाखवावा लागतो. कोकणात अनेक ठिकाणी गोडाचा नैवेद्य म्हणून गोड वडे बनवले जातात. आज आपण याची रेसिपी नेमकी काय आहे, हे जाणून घेऊयात.

सर्वप्रथम एका टोपामध्ये पाणी गरम करायला ठेवावे आणि त्यात मीठ आणि गूळ घालून गुळ पूर्णपणे विरघळून घ्यावा. गुळ आणि पाणी मिक्स झाले की त्यानंतर त्यामध्ये गव्हाचे आणि तांदळाचे पीठ टाकावे. गव्हाचे आणि तांदळाचे पीठ टाकल्यानंतर हळूहळू ते पीठ उकडले की मग मिक्स करून घ्यायचे. पीठ आणि पाणी एकत्र झाल्यानंतर ते एका परातीमध्ये काढून घ्यावे. परातीत पीठ काढल्यानंतर गरम गरमच ते मळावे. थोड्या थोड्या पाण्याचा वापर करून पीठ मळून घ्यावे. मळलेल्या पिठाचे छोटे छोटे गोळे बनवून पुऱ्यांच्या आकाराचे करून घ्यावे.