घरची परिस्थिती बेताची, तरीही जिद्द सोडली नाही; दिव्यातील दोघांची प्रेरणादायी गोष्ट!

2016 ला दोघांनीही मिळून गुरुकुल कोचिंग क्लासेसची स्थापना केली. हा क्लास सुरू करण्यामागे फक्त व्यवसाय करणे हा हेतू नसून, विद्यार्थ्यांना उत्तम दर्जाच शिक्षण कमी पैशात मिळावं, हा उद्देश आहे. सुरुवातीला क्लास सुरू केल्यानंतर राहुल आणि बाजीराव या दोघांनाही अनेकांनी तुम्ही हे करू शकणार नाही असे म्हंटले. परंतु दोघांचाही आपल्या मैत्रीवर आणि शिक्षणावर प्रचंड विश्वास होता. दोघांच्याही अथक परिश्रमामुळे ते आता यशाच्या शिखरावर जाऊन पोहोचले.

बाजीराव आणि राहुल हे दोघेही आपल्या क्लासच्या माध्यमातून दरवर्षी दोन ते तीन गरजूंना मोफत क्लासचे शिक्षण देतात. 2016 ला पहिल्या वर्षी त्यांच्याकडे फक्त दहावीचा एकच विद्यार्थी होता आणि आता एकुण 80 ते 90 विद्यार्थी फक्त इयत्ता दहावीतले आहेत.

अगदी बेताची परिस्थिती असणाऱ्या घरातून आलेल्या दोघांनी एकमेकांना आधार देत, एकमेकांच्या साथीने यश संपादन केले. आता त्या दोघांच्या पत्नी ही या त्यांच्या प्रवासात त्यांना मोलाची साथ देत आहेत.