कल्याण-शिळफाटा रस्ता आजपासून 5 दिवस बंद, वाहतूक नियोजनासाठी 150 पोलीस तैनात

ठाणे: कल्याण शिळफाटा रस्त्यावरील निळजे रेल्वे उड्डाण पुलाच्या पुनर्बांधणीचे काम हाती घेण्यात आले आहे. आजपासून (5 फेब्रुवारी) ते 10 फेब्रुवारीपर्यंत हे काम केले जाणार आहे. या काळात शिळफाटा रस्त्यावरील पलावा चौकाकडे येणारी सर्व प्रकारची वाहतूक बंद ठेवण्यात येणार आहे. ही वाहतूक पर्यायी मार्गाने वळवण्यासाठी आणि वाहतुकीचे नियोजन करण्यासाठी 150 हून अधिक पोलिसांचा ताफा तैनात करण्यात आला आहे. वाहतूक नियोजनासाठी वाहतूक विभाग आणि पोलिस 24 तास चक्राकरा पद्धतीने तैनात राहणार असल्याची माहिती वाहतूक विभागाचे वरिष्ठ पोलीस निरीक्षक सचिन सांडभोर यांनी दिली आहे.