Railway Update: कोकणातून पश्चिम महाराष्ट्रात धावणार रेल्वे, कोणती दोन शहरं जोडणार?

सिंधुदुर्ग: सह्याद्री पर्वतरांगेमुळे कोकण आणि पश्चिम महाराष्ट्र यांची विभागणी झाली आहे. या दोन्ही विभागांतून रेल्वे प्रवास करण्यासाठी सध्या सहजसोपा मार्ग उपलब्ध नाही. त्यामुळे रेल्वे प्रवास करणाऱ्यांना वळसा घालून आणि जास्त वेळ खर्च करून प्रवास करावा लागतो. मात्र, लवकरच ही समस्या सुटणार आहे. कोकण आणि पश्चिम महाराष्ट्राला जोडणाऱ्या नव्या रेल्वे प्रकल्पाबाबत मोठी अपडेट समोर आली आहे. सिंधुदुर्गातील वैभववाडी ते कोल्हापूर हा नवीन रेल्वे मार्ग तयार होणार आहे.