आताची सर्वात मोठी बातमी! उद्धव ठाकरे राज ठाकरेंची भेटीला, शिवतीर्थावर बंद दाराआड चर्चा

राज्याच्या राजकारणातील सर्वात मोठी आणि महत्त्वपूर्ण घडामोड. उबाठा गटाचे प्रमुख उद्धव बाळासाहेब ठाकरे आणि मनसे प्रमुख राज ठाकरे यांची भेट होत आहे. राज ठाकरे यांच्या निवासस्थानी जाऊन भेट घेतली आहे. आगामी निवडणुकीच्या पार्श्वभूमीवर ही भेट अत्यंत महत्त्वाची मानली जात असून, यामुळे ठाकरे बंधूंच्या संभाव्य युतीचे संकेत मिळत आहेत. एकीकडे दोन्ही पक्ष स्वबळावर निवडणुका लढवणार असल्याचा नारा देत असतानाच, उद्धव ठाकरे यांनी थेट राज ठाकरे यांच्या शिवतीर्थावरील निवासस्थानी जाऊन भेट घेतल्याने राजकीय वर्तुळात अनेक तर्कवितर्क सुरू झाले आहेत. ही भेट केवळ सदिच्छा भेट नसून, निवडणुकीच्या पार्श्वभूमीवर महत्त्वपूर्ण चर्चा करण्यासाठी झाल्याचे मानले जात आहे.