छ. संभाजीनगर-पैठण मार्गावरील वाहतुकीत मोठे बदल, गैरसोय टाळण्यासाठी पाहा पर्यायी रस्ते

छत्रपती संभाजीनगर : छत्रपती संभाजीनगर–पैठण मुख्य मार्गावर बिडकीन पोलीस ठाण्याच्या हद्दीत रस्ता दुरुस्तीचे काम हाती घेण्यात आले आहे. चित्तेगाव आणि बिडकीन परिसरात सुरू असलेल्या या कामामुळे वाहतुकीची मोठी कोंडी निर्माण झाली आहे. रोज दोन ते तीन तास वाहनांची प्रतीक्षा लागल्याने अपघाताचा धोका वाढू लागला आहे. ही परिस्थिती पाहता वाहतूक मार्गात बदल करण्यात आले आहेत. याबाबत छत्रपती संभाजीनगरचे पोलीस अधीक्षक डॉ. विनयकुमार राठोड यांच्या आदेशानुसार 26 नोव्हेंबर ते 11 डिसेंबर या कालावधीत अवजड वाहनांना पर्यायी मार्गांचा वापर करावा लागेल.