Virar News: विरार हादरलं! चक्क 'गटाराच्या' पाण्याने धुतली जात आहेत सफरचंद, व्हिडीओ व्हायरल

विरार: तुम्ही रस्त्यावरून चालताना ताजी आणि रसरशीत दिसणारी फळं आनंदाने घरी नेतात का? तर थांबा... विरारमध्ये समोर आलेला एक व्हिडिओ पाहून तुमच्या पायाखालची जमीन सरकेल. विरारच्या उच्चभ्रू समजल्या जाणाऱ्या 'ग्लोबल सिटी' परिसरात एक फळ विक्रेता चक्क गटाराचे पाणी फळांवर मारून त्यांची विक्री करत असल्याचे उघड झाले आहे. या प्रकारामुळे नागरिकांच्या आरोग्याचा प्रश्न ऐरणीवर आला असून 'अन्न व औषध प्रशासन' (FDA) नक्की झोपले आहे का? असा संतप्त सवाल विचारला जात आहे.