Video: शेतकरी चिंतेत! कपाशीवरील गुलाबी बोंड अळीवर कसं करायचं नियंत्रण?

वर्धा जिल्ह्यात यंदा सरासरीच्या तुलनेत कमीच पाऊस झाला आहे. शिवाय जलाशयातीली पाणी पातळीतही आवश्यक वाढ झालेली नाही. त्यातच ऐन पावसाळ्यात पावसाने अनेक दिवस दडी मारल्यामुळे काही ठिकाणच्या शेतकऱ्यांनी केलेल्या पेरण्या वाया गेल्या आहेत. त्यानंतर पाऊस बरसला खरा मात्र पिकांवरील रोगामुळे शेतकरी चिंतेत दिसून येत आहेत.

कृषी तज्ज्ञांनी शेतात जाऊन पाहणे केली असता काही शेतकऱ्यांच्या शेतामध्ये कपाशीवर बोंड अळी तर सोयाबीन पिकावर चक्रीभुंगा आणि पांढऱ्या माशीचा प्रादुर्भाव दिसून येतोय. त्यामुळे ज्या शेतकऱ्यांच्या शेतामध्ये पिकांवर कीड लागलेली आहे किंवा रोग आलेला आहे अशा शेतकऱ्यांना व्यवस्थापनाची गरज असल्याचे सांगितले. कपाशीवरील अळीला नियंत्रणात ठेवण्यासाठी कामगंध सापळे उभारावे आणि निंबोळ्यांचा अर्क काढून त्याची फवारणी करावी. तसेच कृषी मार्गदर्शकांनी सांगितलेल्या कंपन्यांच्या औषधांनी फवारणी करावी, असे डॉ. वझीरे यांनी सांगितले.