वय वर्षे 90 तरीही आजोबांनी जपला अनोखा छंद, हे ऐकून व्हाल मंत्रमुग्ध

वर्धा, 7 ऑगस्ट: छंद हा माणसाच्या जीवनातील खरा दागिना आहे, असं म्हणालं तरी वावगं ठरणार नाही. कारण माणसाला सर्वात जास्त सुख समाधान आणि आनंद जर कोणत्या गोष्टीमुळे होत असेल तर तो म्हणजे छंद. त्यामुळे प्रत्येकजण आपापल्या आवडीचा एखादा तरी छंद जोपासत असतोच. मग त्याला वयाची अजिबात मर्यादा नसते. याचंच एक उदाहरण म्हणजे वर्धा शहरातील निवृत्तीनाथ सावरकर होय. तब्बल 90 वर्षांच्या वयातही ते गायन आणि हार्मोनियम वादनाची कला जोपासत आहेत. सावरकर आजोबा हे मराठी इंग्रजी आणि संगीत या विषयाचे शिक्षक होते. आजही ते मोठ्या उत्साहात हार्मोनियम वादन करून आपल्या आवडीची गाणी आणि अभंग गातात. या वयातही त्यांची स्फूर्ती आजच्या तरुणांना लाजवणारी आहे.