Inspiring Story : दोन हात, एक पायही नाही तरीही एका पायाने करते सर्व कामे, तरुणीचं आयुष्य समाजाला प्रेरणा देणारं

शिरीनला दोन्ही हात आणि एक पाय नाही तरीदेखील ती आपल्या एका पायाने सुबक अशी मेहंदी काढते. तिचं अक्षर देखील सुंदर आहे. तिला संगणकाचे उत्तर ज्ञान आहे. इतकच नाही तर 30 ते 34 विद्यार्थी तिच्याकडे कुराण शिकण्यासाठी येतात त्यातून मिळालेल्या पैशांनी ते आपल्या कुटुंबाला हातभार लावण्याचा प्रयत्न करते आहे.

शिरीन भविष्यात कलेक्टर बनण्याचे स्वप्न बघत होती. त्यासाठी तिने यूपीएससीचे क्लासेस देखील जॉईन केले. क्लासेससाठी तिचे वडील तिला गाडीवर घेऊन जायचे मात्र त्यानंतर वडिलांचा अपघात झाला आणि तिला क्लासेसला घेऊन जाण्यासाठी पर्याय मिळाला नाही. त्यानंतर तिचा अभ्यासाकडे दुर्लक्ष झालं आणि ती घरीच ट्युशन क्लासेस घेऊ लागली, असं शिरीन सांगते. मला सरकारकडून नोकरी मिळावी अशी अपेक्षा आहे, सरकारकडून मला अजून तरी कुठलाच लाभ मिळालेला नाही, माझ्याकडे जी छोटी चाकांची गाडी आहे ती देखील माझ्या वडिलांनी स्वतःच्या मेहनतीतून माझ्यासाठी घेतली आहे, असंही शिरीनने सांगितले.

शिरीनला तिच्या आई वडिलांनी मोठ्या कौशल्यानं तिला सांभाळलं. आपल्या मुलीनं कोणावर विसंबून राहू नये यासाठी त्यांनी तिला सगळीच कामे शिकवली. कॉलेजमध्ये असताना तिचे वडील तीला घ्यायला आणि सोडायला यायचे तिच्या मैत्रिणी तिच्याकडे मेंदी काढायला सुद्धा येतात. तिच्या आई वडिलांना वाटतं तिने कधीच कोणावर विसंबून राहू नये. म्हणून त्यांनी तिला गाडी सुद्धा चालवायला शिकवली. तिच्याजवळ हात नाही म्हणून ती परिस्थिती वर रडत बसली नाही तर एका पायाने ती सारं काही करू शकते. हा तिला आत्मविश्र्वास आहे आणि हेच वास्तव आहे.