स्त्री बीजांची विक्री! म्हणजे नेमकं करतात काय, महिलांच्या शरीरातून बीज कसे काढतात?

महिलांच्या शरीरातून स्त्रीबीज बाहेर काढण्याची प्रक्रिया समजून घेण्याआधी स्त्रीबीज म्हणजे काय, ते कसे तयार होतात, त्यांची संख्या काय असते. याची माहिती घेऊयात. स्त्रीबीज म्हणजे महिलांच्या शरीरातील एग्ज किंवा अंडं. ही स्त्रीच्या शरीरातील प्रजनन पेशी आहे, जी दर महिन्याला ओव्हरी म्हणजे अंडाशयातून परिपक्व होऊन बाहेर पडते, या प्रक्रियेला ओव्हुलेशन म्हणतात. ससाधारणपणे मासिक पाळीच्या मध्यंतरी म्हणजे 12-14 दिवसांत हे बीज बाहेर पडतं. जे साधारणपणे 12 ते 24 तास जिवंत राहतं. या कालावधीत पुरुषांचे स्पर्म किंवा शुक्राणूशी संपर्कात आल्यास गर्भधारणा होत आणि संपर्कात आलं नाही तर ते नष्ट होतं.

डोमिनंट एग्जचा सुरुवातीचा आकार 7, 8, 10 मिमी असतो. हार्मोन्स मदतीने त्याचा आकार वाढत जातो. चौदा-पंधराव्या दिवशी त्याचा आकार 20 मिमी होतो. इतका आकार वाढला की मेंदूतील पिच्युट्री ग्लँडकडे बीज परिपक्व झालं म्हणजे आता ते गर्भधारणेसाठी तयार असल्याचा संदेश जातो. यानंतर  एलएच हार्मोन वाढतं आणि फॉलिकलमधील बीज फुटून बाहेर पडतं, फॅलोपिन ट्युब त्याला आपल्या आत खेचून घेतं. जिथं स्पर्म असेल तर स्पर्म आणि बीज एकत्र होऊन बीज तयार होतं.

कोल्हापुरातील स्त्रीरोग तज्ज्ञ डॉ. सतीश पत्की यांनी ही संपूर्ण माहिती त्यांच्या युट्युब चॅनेलवर दिली आहे.

प्रत्येक महिलेच्या शरीरात दर महिन्याला एका अंडाशयातून एकच स्त्रीबीज पक्व होऊन बाहेर पडतं आणि ते बीज गर्भनलिका म्हणजे फॉलोपिअन ट्युबमध्ये जातं, असं प्रसूतीतज्ज्ञ डॉ. अंजू अहुजा यांनी त्यांच्या युट्युब चॅनेलवर दिलेल्या व्हिडीओत सांगितलं आहे.

स्त्रीरोग तज्ज्ञ डॉ. रश्मी अगरवाल यांनी त्यांच्या युट्युब चॅनेलवर या प्रक्रियेचा व्हिडीओ पोस्ट केला आहे.

स्त्रीबीज देण्यासाठी आलेल्या महिला परराज्यातील आहेत. त्यांना त्यांच्या घरी जायचं आहे सांगून घाई केली जाते आणि स्त्रीबीजं वाढवण्याची इंजेक्शन दिले जातात. या प्रक्रियेत तज्ज्ञ डॉक्टरांची गरज असते, तरी ती घाईत उरकली जाते.  प्रक्रियेत मध्यस्थ म्हणून कोण काम करतात, डॉक्टर कुणाकडून स्त्रीबीजं घेतात, त्याची किती नोंद ठेवली जाते याची कोणतीही माहिती उपलब्ध नाही.