आई-वडील सावळे मग मूल गोरं कसं काय; सायंटिफिकली हे कसं शक्य आहे? पुण्याच्या स्त्रीरोगतज्ज्ञांनी दिलं उत्तर

आपल्या शरीरात मेलेनिन हा रंगद्रव्य आहे, जो रंग देणारा पदार्थ आहे. मेलेनिनचं प्रमाण जास्त असेल तर त्वचा काळी आणि कमी असेल तर त्वचा गोरी होते. आपल्या शरीरात किती मेलेनिन तयार होतं हे आपले जीन्स किंवा जनुकं ठरवतात.  प्रत्येक माणसात रंगाशी संबंधित अनेक जीन्स असतात.

आता तुम्ही म्हणाल आई आणि वडील दोघंही सावळे असतील तर मग त्यांचं मूल गोरं कसं होईल. तर हे पूर्णपणे शक्य आहे. वैज्ञानिकदृष्ट्या सिद्ध आहे. यामध्ये रेसेसिव्ह जीन्स महत्त्वाची भूमिका बजावतात. पती आणि पत्नी दोघांचीही त्वचा सावळी असेल, पण त्यांच्याकडे फिकट त्वचेसाठी जीन्स देखील आहेत, जे बाहेरून अदृश्य असतात. जेव्हा बाळ पोटात असतं तेव्हा कधीकधी असे संयोजन घडतं जिथं फिकट जीन्स एकत्रित होतात ज्यामुळे मुलाची त्वचा पालकांपेक्षा गोरी बनते.