मारणेचा कट्टर मित्र, गँगमध्ये एकत्र काम, पैशातून वाद वाढला, टोळी फुटली, जामखेडच्या नीलेश घायवळचा गुन्हेगारी इतिहास

मुंबई : पुण्यातील कुख्यात गुंड नीलेश घायवळला जत्रेतील कुस्तीच्या फडात शिरून एका तरुणाने मारहाण शुक्रवारी मारहाण केली. धाराशिव जिल्ह्याच्या भूम तालुक्यातील आंदरुड गावच्या जत्रेला नीलेश घायवळ गेला होता. कुस्तीचा फड रंगलेला असतानाच सागरने नीलेश घायवळला लक्ष्य करून त्याच्या कानफडीत मारली. यावेळी घायवळच्या सहकाऱ्यांनी सागरलावरही हल्ला चढवला. पण पुढच्या काही मिनिटांत सागर तिथून पसार झाला. आतापर्यंत नीलेश घायवळचे नाव घेतले की गुन्हेगारी विश्वातील लोकही घाबरायचे. परंतु त्यालाच मारहाण झाल्याने नीलेश घायवळच्या गुन्हेगारी इतिहासाची नव्याने चर्चा होऊ लागलेली आहे.