अनैतिक संबंधात पत्नी हैवान, प्रियकरासह त्याच्या 3 मित्रांच्या मदतीने पतीला संपवलं, रिक्षात कोंबून मंदिराजवळ नेलं अन्...

ही घटना उदगीर शहरातील पारकट्टी गल्ली भागात घडली. या प्रकरणी उदगीर ग्रामीण पोलिसांनी पत्नीसह तिच्या प्रियकराला अटक केली. पण ऑटोचालकासह अन्य दोघे आरोपी फरार आहेत. हनुमंत शरणप्पा जनवाडे असं हत्या झालेल्या ४० वर्षीय पतीचं नाव आहे. तर पूजा जनवाडे आणि तिचा प्रियकर सुनील उर्फ पिंटू पाटील असं अटक केलेल्या आरोपींची नावं आहेत.

पोलिसांनी दिलेल्या माहितीनुसार, २८ ऑगस्ट रोजी सायंकाळी ४ ते ६:३० या वेळेत हनुमंत यांची पत्नी पूजा जनवाडे आणि तिचा प्रियकर सुनील उर्फ पिंटू पाटील यांनी त्यांच्या अनैतिक संबंधांत अडथळा ठरत असल्याने कट रचून त्यांची हत्या केली. यासाठी त्यांनी आणखी तीन अनोळखी पुरुषांची मदत घेतली. मृत हनुमंत यांना त्यांच्या पत्नी आणि प्रियकराने "डोळ्याच्या दवाखान्यात दाखवून येऊ" असे सांगून ऑटोमध्ये बसवून नेले. उदगीर शहरातील नांदेड रोडवरील मोरे आय हॉस्पिटलजवळ आल्यावर पत्नी ऑटोमधून उतरली आणि प्रियकर सुनील व त्याच्या मित्रांनी हनुमंत यांना जवळच्या मोकळ्या जागेत नेले. तेथे काठीने बेदम मारहाण करून त्यांचा खून केला. त्यानंतर, ठरल्याप्रमाणे पत्नी घटनास्थळी परत आली आणि तिने पतीला उपचारासाठी रुग्णालयात दाखल केले.